Chatting Iha Rede Lokal Ho Aplikasaun LAN Messenger

Aktividade chatting liu husi Yahoo Messenger, Google Talk, Facebook, mIRC, no seluktan hanesan buat baibain ne'ebe ema barak hatene uza ona bainhira asesu ba Internet. Maibe iha pergunta ida oinsa hakarak chatting iha Local Area Network (LAN) ne'ebe la iha koneksaun Internet?

Resposta maka ita bele utiliza aplikasaun "LAN Messenger".

Konaba LAN Messenger?
LAN Messenger hanesan aplikasaun Instant Messaging para hodi halo komunikasaun liu husi rede lokal no apoio plataforma Linux, Windows no Mac OS. Aplikasaun open source ne'e la presija servidor bainhira instala no fasil atu uza. Aliende bele hodi chatting, iha fungsaun seluk ne'ebe disponivel hanesan notifikasaun eventu, transferensia file, log mensajen.

Oinsa Atu Download, Instala & Hala'o?
Pakote aplikasaun LAN Messenger disponivel ba distribuisaun Linux hanesan Ubuntu, Debian, Fedora no seluktan ne'ebe ita bele download iha sitiu http://lanmsngr.sourceforge.net.

Notas:
Pratika ne'e Autores uza Linux Mint 16.

• Download LAN Messenger
  
  Linux Mint, Ubuntu & Debian:
  LAN Messenger
  
  Linux Fedora & OpenSUSE:
  LAN Messenger


• Instala & Hala'o LAN Messenger
  
  
  1. Klik dala-rua (double-click) ba file aplikasaun LAN Messenger ne'ebe download ona.
     

     

     Pakote Aplikasaun LAN Messenger

  2. Depois klik ba butaun "Install Package" bainhira mosu janela hanesan iha ilustrasaun kraik ne'e:
     

     

     Janela Package Installer iha Linux Mint

  3. Hatama password sistema Linux no hili butaun "OK" para komfirma.
     

     

     Janela Konfirmasaun Password Sistema Linux

  4. Karik instalasaun susesu sei mosu janela hanesan ilustrasaun tuir mai:
     

     

     Janela Instalasaun Susesu

  5. Kria shorcut aplikasaun LAN Messenger iha desktop Linux Mint ho maneira klik liman-los no depois hili opsaun "Create Launcher".

     

     Opsaun Ne'ebe Mosu  Bainhira Klik Liman-Los Iha Desktop

  6. Hatama informasaun hanesan ilustrasaun kraik, depois klik butaun "OK".
     

     

     Janela Create Launcher

  7. Bainhira atu hala'o LAN Messenger, klik deit ba shorcut ne'ebe kria ona iha desktop, no aplikasaun ne'e sei minimizadu ba iha Taskbar.
     

     

     Shorcut Aplikasaun LAN Messenger Iha Desktop Linux Mint 16

  8. Klik ba icon LAN Messenger iha Taskbar para hamosu janela aplikasaun.
     

     

     Aplikasaun LAN Messenger Iha Taskbar  

  9. Kuandu mosu janela hanesan iha kraik, signifika aplikasaun LAN Messenger prontu ona atu uza hodi chatting iha rede lokal laran. 

     

     Janela Aplikasaun LAN Messenger

     Notas:
     Ezemplu hanesan ilustrasaun leten hatudu iha kliente 2 ne'ebe aktivu ona. Kuandu hakarak chatting, hein klik deit ba naran ne'ebe iha.
     

     

     Ezemplu Chatting Iha LAN Messenger

Mak ne'e deit artiklu konaba LAN Messenger husi Autores, koko rasik ba fungsaun ne'ebe iha.
Boa sorte!

Referensia:
http://lanmsngr.sourceforge.net