Urban Terror: Game FPS (First Person Shooter) Gratuita

Software	: Urban Terror
Kriador	: Ekipa Frozen Sand
Sitiu	: http://www.urbanterror.info/home/
Lisensa	: Gratuita

Urban Terror hanesan game multiplayer First Person Shooter (FPS) ne'ebe mai ho grafiku kapas no realista, suporta halimar on-line ou rede lokal (LAN). Desenvolve husi FrozenSand no lansa iha tinan 2007 ne'ebe uza engine husi ioquake3. Karik maluk sira koko ona Counter Strike, game ne'e modelu atu hanesan deit. Urban Terror disponivel ba plataforma sistema operasaun Linux, Windows, no Mac OS.  Urban Terror oferese jogo gameplay hanesan, Free-For-All, Team Deathmatch, Team Survivor (hanesan iha gameplay Counter Strke), Capture The Flag, Capture & Hold, Follow the Leader (tipu jogo ne'ebe involve jogador nudar lideransa iha ekipa), no seluktan. Kilat iha game ne'e bele dehan kompletu, komesa husi Pistola, Sniper,  to'o Shotgun. Game ne'e bele hetan ho gratuita no la presija halo instalasaun. Aliende ne'e mos bele rai iha USB Flashdisk laran.

Info:
Presija hatene, iha governo Alemanha game ne'e tama ba lista "Dangerous Video Games for adolescents" ne'ebe la rekomenda ba labarik ki'ik sira.