Maneira Instalasaun TOR (The Onion Router) Iha Linux Mint

Konaba TOR?
The Onion Router (TOR), hanesan rede Virtual Tunnels ne'ebe permiti utilizador bele halo komunikasaun ho seguru no anonima liu husi internet. TOR permiti individu ou organizasaun bele fahe informasaun husi rede publiku sem presija tauk lakon privasidade. Ita bele uza TOR hodi proteja aktividade online husi ema ne'ebe maka hakarak akapta ou detekta ita, no mos bele asesu ba sitiu ne'ebe hetan blokeadu husi provedores internet ou administradores rede.

Instala & Konfigura TOR?
Pratika iha mata dalan ne'e Autores uza Linux Mint 16, bele mos aplika iha distribuisaun Linux Debian no Ubuntu. Aplikasaun browser ne'ebe uza maka Mozilla Firefox.

Notas:
Pakote TOR disponivel ona iha repositorio Linux Mint, Debian no Ubuntu, maibe sei ho versaun desatualizadu, ne'ebe presija aumenta fontes aplikasaun ba iha lista repositorio para bele instala versaun foun.

Lalaok hanesan tuir mai:

1. Loke aplikasaun Terminal liu husi menu: System Tools → Terminal


2. Edita file /etc/apt/sources.list ho komando:
   
   sudo pluma /etc/apt/sources.list
   
   
3. Hatama parametru iha kraik ne'e ba iha file sources.list:
   
   deb http://deb.torproject.org/torproject.org saucy
   
   Ezemplu hanesan iha ilustrasaun tuir mai ne'e:
   
   

   

   Hatama Fontes Aplikasaun TOR ba source.list

   Save depois taka editor testu Pluma.


4. Kontinua ho hatama gpg key iha Terminal:
   
   gpg  --keyserver  keys.gnupg.net  --recv  886DDD89
   
   gpg  --export  A3C4F0F979CAA22CDBA8F512EE8CBC9E886DDD89  |  sudo  apt-key  add  -


5. Atualiza lista repositorio ho komando:
   
   sudo apt-get update


6. Depois instala aplikasaun TOR inklui pakote Vidalia:
   
   sudo apt-get install tor vidalia


7. Durante prosesu instalasaun, sei mosu janela konfirmasaun utilizador ne'ebe ita deside para bele kontrola servico TOR. Hili utilizador no klik "OK" para kontinua.
   
   

   

   Janela Konfigurasaun Vidalia



8. Loke aplikasaun browser Mozilla Firefox
   
   

   

   Janela Aplikasaun Browser Mozilla Firefox



9. Depois iha aplikasaun Mozilla Firefox, hili ba menu: Edit → Preferences → Advanced → Network → Settings no halo tuir konfiguraun hanesan ilustrasaun iha kraik ne'e:
   
   

   

   Janela Konfigurasaun Mozilla Firefox



10. Teste konfigurasaun TOR ho asesu ba iha enderesu https://check.torproject.org/ uza browser Mozilla Firefox.
    
    

    

    Teste konfigurasaun TOR uza Mozilla Firefox

    
    Bainhira mosu janela ho mensajem kor matak "Congratulations. This browser is configured to use Tor" hanesan iha ilustrasaun leten, ne'e signifika TOR la'o ho susesu ona.

Boa soarte!