SparkleShare: Alternativu Aplikasaun Open Source Ho Fungsaun Hanesan Dropbox

SparkleShare Ne'e Saida?

SparkleShare aplikasaun open source gratuita bodik ba halo kolaborasaun projeitu no file synchronization. Aplikasaun ne'e posibilidade bele fahe file ho lais no ita bele hare file ne'ebe ita rai iha ne'ebe deit no bainhira deit (depende linha internet). La hanesan Dropbox no servico cloud sira seluk, ita bele rai file / folder iha ita nian servidor rasik, ou bele mos ho solusaun host hanesan GitHub se lae Gitorius. Ita bele hili fatin para bele rai file / folder tuir vontade. La presija prekupa ho seguransa dadus no mos privasidade, tamba ita mak sai nain ba ita nia dadus rasik no la presija depende ba kada servico cloud gratuita / selu husi parte datolu (Third Party). 

SparkleShare disponivel ba plataforma sistema operasaun hanesan Linux, Windows, no Mac OS. 

Tuir mai fungsaun importante iha SparkleShare:

• Suporta ba GitHub, BitBucket no Gitorious
• Janela Recent Changes sei fo sai informasaun saida maka modifika no se'e maka modifika.
• Iha habilidade para restore no revert file
• Notifikasaun ne'ebe integradu
• Suporta kriptografia (Enkripsi) client-side
• No fungsaun seluktan ne'ebe bele hare  iha http://sparkleshare.org

Oinsa Instala SparkleShare?

Notas:
Pratika ne'e Autores uza sistema operasaun Linux Mint 15.

Lalaok prosesu instalasaun SparkleShare hanesan tuir mai:

1. Loke Terminal liu husi menu: Accessories → Terminal


2. Depois instala uluk repository git-core:
   
   $ sudo  add-apt-repository  ppa:git-core/ppa


3. Hatama lista PPA SparkleShare ho komando:
   
   $ sudo  add-apt-repository  ppa:rebuntu16/sparkleshare+unofficial


4. Atualiza software sources list ho maneira:
   
   $ sudo  apt-get  update


5. Instala pakote SparkleShare ho komando hanesan iha kraik ne'e:
   
   $ sudo  apt-get  install sparkleshare  libmono-posix4.0-cil

Oinsa Utiliza SparkleShare?

1. Loke aplikasaun SparkleShare liu husi menu: Internet → SparkleShare


2. Bainhira mosu janela hanesan iha ilustrasaun kraik ne'e, priense naran no enderesu e-mail, depois klik 'Continue'.
   
   
   
   
   
3. Klik 'Skip Tutorial' ou se lae 'Continue' para bele hakat ba etapa tuir mai.
   
   
   


4. Depois ita sei hetan ID uniku ba kliente. Kodigu ne'e ita sei presija bainhira atu halo koneksaun ba komputador host ne'ebe iha ona. Klik butaun 'Finish' para kontinua.
   
   
   


5. Klik ba ikon SparkleShare iha taskbar, depois hili ba opsaun: Sparkleshare → Add hosted project.
   
   
   


6. Iha janela ne'ebe mosu, hili lokalizasaun host ne'ebe atu kria. Iha pratika ne'e Autores aumenta husi servidor rasik. Hatama enderesu servidor no remote path. Klik butaun 'Add' para bele halo sinkronizasaun ona.
   
   
   

Maka ne'e deit! Agora ita bele asesu file ou folder hanesan los bainhira ita utiliza Dropbox.
Explora rasik ba fungsaun ne'ebe iha SparkleShare ;)

Referensia:
http://sparkleshare.org/
https://www.synkee.com/blog/sparkleshare-tutorial/