Atualiza Facebook Iha Desktop Linux Uza Socializer

Saida Mak Socializer?

Socializer hanesan browser ba Facebook ne'ebe simples no elegantes, suporta plataforma Linux, Windows no Mac OS. Aplikasaun ne'e ajuda atu fo notifikasaun hanesan mensagem, solisita kolega, no seluktan diretamente husi Linux desktop no ajuda Facebook atualiza loron tomak. Notifikasaun ne'ebe mosu la interfere, maibe sei fo hatene liu husi mudansa kor husi icon iha sistema tray.

Oinsa Atu Instala Socializer?

Repositorio ba Socializer seidauk disponivel, maibe ita bele download ho fasil pakote .deb ne'ebe iha no instala uza komando dpkg. Karik hakarak instalasaun la'o susesu, tuir instruksaun apropriadu ho arsitektura sistema (32/64 bit).

Notas:

Pratika ne'e Autores uza Linux Mint 15 no uza aplikasaun Terminal hodi download no halo instalasaun. Maneira ne'e mos bele aplika iha Linux Debian ou se lae Linux Ubuntu.

Etapa-etapa instalasaun hanesan tuir mai:

• Instalasaun ba sistema 32 bit
  
  $ wget -c https://www.dropbox.com/s/o5p41nkugypvs6e/socializer-1.0.3-ubuntu-32bit.deb
  
  $ sudo dpkg -i socializer-1.0.3-ubuntu-32bit.deb
  
  $ sudo apt-get install -f


• Instalasaun ba sistema 64 bit
  
  $ wget -c https://www.dropbox.com/s/80ic4hg8ke8vcf6/socializer-1.0.3-ubuntu-64bit.deb
  
  $ sudo dpkg -i socializer-1.0.3-ubuntu-64bit.deb
  
  $ sudo apt-get install -f

Oinsa Atu Utiliza Socializer?
Aplikasaun Socializer fasil para uza, ne'e hanesan bainhira asesu ba Facebook liu husi browser seluk ezemplu Chrome ou Firefox.

Etapa-etapa utiliza hanesan tuir mai:

• Loke aplikasaun Socializer liu husi menu: Other → Socializer ou bele mos husi Terminal no hatama komandu hanesan iha kraik:
  
  $ sh  /opt/Socializer/Socializer.sh





Janela Aplikasaun Socializer

• Bainhira mosu janela Socializer hanesan imajen iha leten, klik deit ba butaun "No Thanks! Take me to Facebook" para kontinua no sei mosu janela Login ba Facebook hanesan iha kraik.





Janela Login Facebook


Notas:
Karik hakarak minimiza janela Socializer bele klik deit ba butaun "Close", no Socializer sei minimizadu ba iha Taskbar.

Minimiza Aplikasaun Socializer

Mak ne'e deit artiklu Socializer husi Autores, koko rasik ba fungsaun ne'ebe iha.
Boa sorte!